4.
Namminersorlutik Oqartussat
2017-imi
Namminersorlutik Oqartussat 6.602 mio. kr.-it
aningaasat atorsimavaat. 2016-imut sanilliullugu 227 mio.
kr.-inik amerlanerusimapput.
Titartakkami
2-mi takuneqarsinnaapput Namminersorlutik Oqartussat aningaasat atugaat
suliaqarfinnut immikkoortillugit.
Titartagaq
2.
Namminersorlutik
Oqartussaat aningaasat atugaat sulianut immikkoortiterlugit 2017
Namminersorlutik
Oqartussat peqqinnissaqarfik ingerlatarivaat. 2017-imi peqqinnissaqarfik
Namminersorlutik Oqartussani nalinginnaasumik pisortat kiffartuussineranni
aningaasanik atuiffiunerpaajusimavoq. 1.555 mio.
kr.-it peqqinnissaqarfimmut atorneqarsimallutik Namminersorlutik Oqartussat
aningaasanik atuinerisa 23,6 pct.-eralugu.
2017-imi
ilinniartitaanermut aningaasat atorneqartut 1.153 mio.
kr.-iusimapput, 2016-imut
sanilliullugu annikitsuinnarmik qaffariarpoq. Namminersorlutik Oqartussat
aningaasanik atuinerisa 17,5 pct.-erivaat.
Isumaginninneq
Namminersorlutik Oqartussat suliaasa pingaarnerit ilagivaat. 2017-imi 901 mio. kr., tassa Namminersorlutik
Oqartussat aningaasartuutissaminnut naatsorsuutaani 13,6 pct.-iat tassunga atorsimavoq. Isumaginninnermut tunngasut
pineqartut ukuupput; ilaqutariit, meeqqat, inuusuttuaqqat, innarluutillit,
utoqqaat, suliffeqarfiit, inissiat, pinaveersaartitsineq kiisalu inuuniarnermut
tapit, erninermi ullormusiat, ineqarnermut tapit, peqqissarneq, piffissani
aalajangersimasuni suliffissaaleqisarnerup akiorniarnera, siusinaarluni suliunnaarnermusiat, utoqqalinersiat il.il.
Nalinginnaasumik
pisortat kiffartuussineri aamma aningaasaqarnermut tunngasut Namminersorlutik
Oqartussat ingerlataanut pingaarnernut ilaasut kingullersaraat. Tassunga
ilaapput; Namminersorlutik Oqartussat ingerlanneqarnerat, tassunga ilaallutik
Naalakkersuisut, Aningaasaqarnermut Naalakkersuisoqarfik, Nunanut allanut
Naalakkersuisoqarfik il.il. aamma aningaasanik nuussinerit assigiinngitsut.
Tassunga aamma ilaapput ass. niuernermi,
kiffartuussinerni aamma takornariaqarnermi suliffeqarfinnut tapit kiisalu
aalisarnermut, piniarnermut nunalerinermullu tapit. 2017-imi nalinginnaasumik
pisortat kiffartuussinerannut aningaasat atorneqartut 1.805 mio.
kr.-iupput
aningaasaqarnermut tunngasut 747 mio. kr.-iusut.
Inissianut tunngatillugu Namminersorlutik Oqartussat aningaasat makkununnga atornerusarpaat; nutaanik sanaartornernut aamma pioreersunik pisortat illuutaanik nutarterinernut. 2017-imi aningaasat inissianut atorneqartut 33 mio. kr.-iusimapput 20,2 pct.-imik apparsimallutik. 2017-imi aningaasat tassannga atorneqartut 131 mio. kr.-iusimapput Namminersorlutik Oqartussat aningaasanik atuinerisa 2,0 pct.-erivaat.
Takussutissiami 4-imi takuneqarsinnaapput Namminersorlutik Oqartussat isertitaat suunerinut aamma aningaasarsiorneq tunngavigalugu agguataarlugit.
Takussutissiaq
4.
Namminersorlutik Oqartussat aningaasat atugaat, aningaasarsiorneq
tunngavigalugu agguataarlugit
|
|
2013 |
2014 |
2015 |
2016 |
2017 |
|
|
Mio. kr. |
||||
1. |
Ingerlatsinermut aningaasat atorneqartut .. |
5.846 |
5.951 |
5.898 |
6.079 |
6.123 |
1.1 |
Atuinerit katillugit ..................... |
3.223 |
3.167 |
3.122 |
3.221 |
3.279 |
1.2 |
Ingerlaavartumik aningaasanik nuussinerit . |
2.623 |
2.784 |
2.776 |
2.858 |
2.844 |
|
|
|
|
|
|
|
2. |
Aningaasaliinermi aningaasat atorneqartut . |
415 |
338 |
401 |
296 |
479 |
2.1 |
Pigisanut nalilinnut aningaasat atorneqartut
iluarsisat ........................... |
254 |
207 |
184 |
168 |
276 |
2.2 |
Aningaasaliissutinik nuussinerit ......... |
161 |
131 |
217 |
128 |
203 |
|
|
|
|
|
|
|
A. |
Aningaasat atorneqartut katillugit....... |
6.261 |
6.289 |
6.299 |
6.375 |
6.602 |
|
|
|
|
|
|
|
3. |
Ingerlatsinermi isertitat ................. |
6.522 |
6.576 |
6.621 |
6.936 |
6.989 |
3.1 |
Inuussutissarsiutinit isertitat ............. |
309 |
320 |
317 |
316 |
326 |
3.2 |
Pigisanit nalilinnit isertitat ............... |
403 |
372 |
289 |
351 |
315 |
3.3 |
Nioqqutissiornermi aamma eqqussuinermi akileraarutit ......................... |
753 |
865 |
832 |
945 |
958 |
3.4 |
Ingerlaavartumik akileraarutit ............ |
1.081 |
1.052 |
1.143 |
1.299 |
1.276 |
3.5 |
Ingerlaavartumik aningaasanik nuussinerit allat |
3.976 |
3.967 |
4.039 |
4.025 |
4.114 |
|
|
|
|
|
|
|
4. |
Aningaasaliissutinit isertitat ............ |
- |
- |
- |
- |
- |
|
|
|
|
|
|
|
B. |
Isertitat katillugit.................... |
6.522 |
6.576 |
6.621 |
6.936 |
6.989 |
|
|
|
|
|
|
|
C. |
Ingerlatsinermi sinneqartoorutit (3-1) (sipaakkat tamakkerlugit)............. |
676 |
625 |
723 |
857 |
865 |
|
|
|
|
|
|
|
D. |
Ingerlatsinermi aamma
aningaasaatinit/pigisanit nalilinnit sinneqartoorutit (B-A) |
261 |
287 |
322 |
561 |
386 |
Malugiuk.
Naatsorsuutit ataatsimoortinneqarput, taamaattumik ENS 1995 malillugu
suliarineqarmata pisortaqarfiit akornanni nuussinerit ilaanngillat.
Taamaasilluni 2017-imi ingerlatseqatigiiffinnut immikkut inatsisitigut
akisussaaffimmik tunineqarsimanngitsunut aningaassaliissutit 3 mio kr.-iusut
kisitsisinut paasissutissanut ilanngunneqanngillat.
2017-imi
Namminersorlutik Oqartussat 386 mio. kr.-inik
sinneqartooruteqarput. 2016-imi aningaasat atorneqarsinnaalersut
qaffasinnerusimapput taamani 561 mio. kr.-iugamik. Pisortat
aningaasaqarneranni aningaasat atorneqarsinnaalersut nunatta karsiata
naatsorsuutaani DAU-saldo-mut (DAU ingerlatsineq (drift), Anlæg (sanaartorneq) aamma Atortitsinermit (Udlån) naalisagaavoq) taputartuunneqassanngillat, taanna
nunatta karsiata naatsorsuutaani 204 mio. kr.-inik
sinneqartoorfiusimasutut nalunaarutigineqarsimavoq.
Suliaqarnermi aningaasat atorneqartut (atuinernut aningaasat atorneqartut) 58 mio. kr.-inik qaffapput 3.279 mio. kr.-inngorlutik, 1,8 pct.-imik qaffallutik.
Taakkununnga ilaapput tunisassiornermi atuinerit 2017-imi 62 mio. kr.-inik qaffassimasut 1.981 kr.-inngorsimallutik, aamma atorfilinnut akissarsititsineq taanna 70 mio. kr. qaffassimavoq 1.880 mio. kr.-inngorsimalluni. Nioqqutissanik kiffartuussinermillu tunisineq 77 mio. kr.-inik qaffassimavoq 855 mio. kr.-inngorsimallutik 9,9 pct.-imik qaffassimallutik.
Aalajangersimasunut nutaanut aningaasaliinerit aamma pisinerni tunisinerni aningaasat atorneqartut 108 mio. kr.-inik qaffassimapput 276 mio. kr.-inngorsimallutik 64,0 pct.-inik qaffassimallutik aningaasaliissutinik nuussinerit 75 mio. kr.-inik qaffassimapput 203 mio. kr.-inngorlutik. Namminersorlutik Oqartussat aningaasaliissutaat katillugit 183 mio. kr.-inik qaffassimapput 479 mio. kr.-inngorlutik.
Aningaasat atorneqartut isertitanut sanilliullugit Namminersorlutik Oqartussat isertitaat annertusilaarsimapput 53 mio. kr.-inik 6.989 mio. kr.-inngorsimallutik 0,8 pct.-imik qaffassimallutik. Nioqqutissiornermit aamma eqqussuinermi akileraarutinit isertitat annertusisimaneri isertitat qaffannerinut pissutaapput, taakku 13 mio. kr.-inik amerlisimapput 958 mio. kr.-inngorsimallutik aamma ingerlaavartumik aningaasanik nuussinerit allat 89 mio. kr.-inik qaffassimapput 4.114 mio. kr.-inngorsimallutik. Ingerlaavartumik aningaasanik nuussinerit annertuut EU-meersut Qallunaallu naalagaaffianeersut (2017-imi 2.159 mio. kr.) kommunit ingerlatsinerannut aningaasaliinerannullu nuunneqarput. Akerlianik Ingerlaavartumik isertitanit aamma pisuussutsinit akileraarutit isertitat ikilipput 1,8 pct.-imik aningaasanngorlugu 24 mio. kr.-inik 1.276 mio. kr.-inngorlutik.